2024 жылғы 29 наурыз күні Білім беруді дамытудың инновациялық орталығы жас педагогтерге арналған «Жас ұстаз: табысқа апарар жол» IV облыстық форумын өткізді.
Форумға 250 жас педагог және Б.Ахметов атындағы жоғары педагогикалық колледждің 4 курс студенттері қатысты.
Форум аясында 9 әдістемелік алаң ұйымдастырылды, тәжірибелі педагогтер «Педагогикалық табыстың кілттері», «Білім беру қарқындылығы: оқытуды үйрену», «Бастауыш мектепте жасанды интеллект технологиясын енгізу», «Кемел ұстаз – табысты мұғалім», «Білім беру сапасын арттыру механизмі ретінде білім алушыларды ынталандырудың жаңа тәсілдері», «Келешекке кемел біліммен:сын-қатерлер, бастамалар, мүмкіндіктер», «Педагогтің кәсіби дамуындағы өсу нүктелері», «Заманауи сабақ - тиімді және сапалы білім берудің негізі», «Сәтті сабақ-құрастырудан нәтижеге дейін» тақырыптарындақызықты тренингтер, пікірталас алаңдарын өткізді.
Форумның бағдарламасы болашақ педагогтерге командалық өзара іс-қимылдың бірегей тәжірибесін алуға, теориялық және практикалық біліммен алмасуға мүмкіндік берді. Жарқын эмоциялар, орасан зор энергетика, жаңа идеялар мен практикалық шешімдер – Павлодар облысының жас педагогтері форумының күнін осылай сипаттауға болады.