Мектепке дейінгі және мектеп жасындағы балаларды, техникалық және кәсіптік білім беру оқу орындарының студенттерін оқыту мен тәрбиелеудің педагогикалық тәжірибесін анықтау, жалпылау және тарату мақсатында Б.Ахметов атындағы жоғары педагогикалық колледж базасында 2024 жылғы 26 сәуір күні «XІ Ахметов оқулары. Заманауи білім беру үдерісі: тәжірибелер, мәселелер, перспективалар» ғылыми-практикалық қашықтық конференциясы өтті.
Конференцияға мектепке дейінгі балалар мекемелерінің тәрбиешілері, интернаттық мекемелер мен жатақханалардың тәрбиешілері, мектеп мұғалімдері, техникалық және кәсіптік білім беру ұйымдарының оқытушылары қатысты.
Конференция алты бағыт бойынша педагогикалық оқулар форматында өткізілді. Секциялар жұмысы тәрбие мен білім беру саласындағы практикалық және инновациялық тәжірибемен алмасу алаңына айналды.
Конференцияға қазылар алқа мүшелері ретінде Павлодар қаласының жоғары оқу орындарының өкілдері, Өрлеу тренерлері, Педагогикалық шеберлік орталығы, Білім беруді дамытудың Инновациялық орталығының әдіскерлері, сондай-ақ колледждің әлеуметтік серіктестері шақырылды.
Конференция материалдары электронды жинақта жарияланады. Конфернцияның барлық қатысушылары Сертификат алды, әр секция жеңімпаздары Дипломдармен марапатталды.
Басты