Шет тілінің пәндік онкүндігі аясында «Virtual trip around thе USA» іс-шарасы ұйымдастырылды. Шет тілі және информатика бөлімінің студенттері тілін үйреніп жатқан ел бойынша сырттай саяхатқа белсене қатысты.
С. Торайғыров атындағы облыстық кітапхананың жанындағы американдық бұрыштың координаторлары Дайана Қайрбаева мен Тимиргалиева Алина американдық бұрыштар мен тілді және ІТ технологияларын меңгерген студенттерге арналған креативті зертханалардың мүмкіндіктері туралы айтып берді.
Ә Марғұлан атындағы педагогикалық университеттің ІІ курс студенті Тутенов Мадьяр, «Fullbright» бағдарламасына қатысу тәжірибесімен және АҚШ-тағы өмірі мен оқуы туралы әсерлерімен бөлісті. Іс-шараның интерактивті бөлігі АҚШ мәдениетімен, оның салт-дәстүрлерімен байланысты сөйлесу клубы мен тілдік ойындардан тұрды.
Қорытынды бөлімде Американың ең қызықты фактілері туралы викторина өткізілді. Викторинаның жеңімпаздары сыйлықтарға ие болды.
Басты