2023 жылдың 28 қарашасында «Павлодар қаласының №30 сәбилер бақшасы» базасында «Бүгінгі студент-ертеңгі маман» тақырыбында Б.Ахметов атындағы жоғары педагогикалық колледжінің 4 курс студенттері үшін семинар-практикум өтті.
Балабақша тәрбиешілері С.К.Асайнова, Х.Р.Оразгалина, Г.Негделхан қатысушыларды мектеп жасына дейінгі балалармен жұмыс істеудің инновациялық тәжірибесімен таныстырды, балабақша әдіскері С.Е.Асқарова мектеп жасына дейінгі балаларды жан-жақты дамыту бойынша әдістемелік ұсыныстар берді, содан кейін студенттер топтарға бөлініп, әр топша «Марбл тастарын, Додекаэдр әдісі, «Сторисек» технологиясы, Дьенеш блоктары т.б. заманауи оқу құралдарын пайдалана отырып мектеп жасына дейінгі балаларға арналған жаңа ойын немесе ойын жаттығуын құру тапсырмасын алды.
Барлығы жұмысқа белсене қатысып, өздеріне жүктелген міндеттерді шығармашылықпен орындап, тапсырмаларды абыроймен атқара отырып, тәрбиешілерден жоғары баға алды.
Басты