4 маусым күні облыс әкімінің қатысуымен қалалық Естай атындағы Мәдениет сарайында «MamandyqFest» іс-шарасы өтті. Аймағымыздың 9-11сынып оқушылары үшін колледж студенттері кәсіби бағдар беру мақсатында буклеттер таратып, шеберлік сағаттарын өткізіп, колледждерге түсу талаптарымен таныстырды.
Іс-шара аясында аймақтық «WorldSkillsPavlodar-2024» сайысының жеңімпаздары марапатталды. Колледждің 3 курс студенттері Асаинова Алия, Шаймарданова Кауа «Мектепке дейінгі тәрбие мен оқыту» және «Кіші сыныптарда білім беру» құзыреттілігі бойынша жеңіске жетті. Аймақ басшысы жеңімпаздарды құттықтап, сөз сөйледі.
Астанада қараша айында өтетін ұлттық «WorldSkills Kazakhstan 2024» сайысына қатысу үшін, біздің студенттер аймақтық құрама қатарына енгізілді. 2023 жылдың нәтижесі бойынша керекулік студенттер республиканың бес үздіктері қатарында болды.
«Өнім технологиясы: ғылыми және инновациялық өңдемелер» атты облыстық студенттер арасындағы стартап-жобалардың жеңімпаздары Рил-12 тобының студенттері Ахметзянова Наиля және Магауина Сабина өздерінің онлайн «Deo Ars» мектебі жобасын таныстырды.
«MamandyqFest» іс-шарасы – мектеп оқушылар мен студенттерге мол мүмкіндік, кәсіби бағдар берген-маңызды оқиға болды.